Yanğın hadisələrinin çoxu ehtiyatsızlıqdan baş verir - Nazirlik əhaliyə çağırış etdi VİDEO

Yanan ərazilərdə ekosistemin bərpasına 100 illərlə vaxt tələb olunur.

Xezerxeber.az-ın məlumatına görə, Ekologiya və Təbii Sərvətlər Nazirliyinin son dövrlərdə apardığı araşdırmalar nəticəsində məlum olub ki, yanğın hadisələrinin 95 faizindən çoxu insanların ehtiyatsızlığı ucbatından baş verir. Yay aylarında isti hava şəraiti və digər səbəblərdən yanğın əmələ gəlməsi halları daha çox olur. Bu səbəbdən də vətəndaşlar meşəlik ərazilərdə istirahət zamanı yanğın təhlükəsizliyi qaydalarına əməl etməlidirlər.

Baş verən yanğınlar ekosistemə ziyan vurmaqla yanaşı, havanın çirklənməsi ilə də nəticələnir.

Yanğın və ya tüstülənmə müşahidə etdikdə mütləq aidiyyəti qurumlara məlumat vermək lazımdır.

Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəisi Firudin Əliyev bildirir ki, Qarabağda işləyən və oraya səfər edən insanlar ikiqat məsuliyyətli olmalıdırlar. Çünki orada yanğın baş verdikdə, ərazilər minalı olduğundan alovu söndürmək daha çətin olur.

Xezerxeber.az mövzu ilə bağlı daha ətraflı videomaterialı təqdim edir: