Quba, Cəlilabad və Biləsuvarda ağır yol qəzaları - 4 ölü, 8 yaralı var VİDEO

Qubada iki maşın toqquşub, nəticədə  2 nəfər ölüb, 4 nəfər yaralanıb.

Xezerxeber.az xəbər verir ki,hadisə Quba-Qonaqkən yolunun 2-ci kilometrliyində qeydə alınıb.

1998-ci il təvəllüdlü Rauf Nəcəf oğlu Nəcəfov minik avtomobilində idarəetməni itirərək Fərman Adıgözəlovun idarə etdiyi yük avtomobili ilə toqquşub.

Hadisə nəticəsində Quba şəhər sakinləri - 1998-ci il təvəllüdlü Rauf Nəcəf oğlu Nəcəfov hadisə yerində və 2000-ci il təvəllüdlü Taleh Hafiz oğlu Abıyev xəstəxanaya aparılarkən ölüb.

Maşında olan digər iki sərnişin - İkinci Nügədi kənd sakini 1992-ci il təvəllüdlü Rahim Elman oğlu Qəhrəmanov, Amsar kənd sakini 2005-ci il təvəllüdlü Bəhruz İlham oğlu Şərafəddinov və yük maşınında  olan sərnişinlər - Quba şəhər sakinləri 1972-ci il təvəllüdlü Elmar Abdulhəmid oğlu Babayev və 1968-ci il təvəllüdlü Azər İbrahim oğlu Məmmədov ağır vəziyyətdə xəstəxanaya yerləşdiriliblər, vəziyyətləri ağır qiymətləndirilir.

Cəlilabad rayonunda da  ağır yol qəzası baş verib.

Hadisə  Cəlilabad- Yardımlı yolunun  Zəhmətabad kəndi ərazisindən keçən hissəsində qeydə alınıb. Yardımlı rayonunun Zevin kənd sakini, 41 yaşlı  Çingiz Niyaz oğlu Tağıyev idarə etdiyi  yük avtomobilini yolun kənarına aşırıb. Qəza nəticəsində sürücü xəsarətlər alaraq  ölüb.

Hadisə zamanı avtomobildə olan sərnişin,  31 yaşlı Tağıyev Sadəddin Telman oğlu isə müxtəlif xəsarətlər alıb. O, Cəlilabad Rayon Mərkəzi Xəstəxanasına çatdırılıb.

Biləsuvar rayonunda da ağır yol qəzası baş verib. Hadisə Biləsuvar-Bəhramtəpə yolunun Səmədabad kəndindən keçən hissəsində qeydə alınıb.

Abşeron rayon sakini  Məmmədağa   Qasımovun  idarə etdiyi yük  avtomobili qarşıda gedən  Salyan rayon sakini  Yasər Qafarovun  idarə etdiyi  digər  yük avtomobilinə çırpılıb. Zərbənin təsirindən yük maşınlarından biri    yoldan çıxaraq aşıb.

Qəza nəticəsində   Məmmədağa Qasımov  aldığı xəsarətdən hadisə yerində dünyasını dəyişib. Habelə yük maşınında olan Salyan rayonu, Şorsulu kənd sakinləri  24 yaşlı  Qafarov Yasər Ağahüseyn oğlu,  26 yaşlı Əliyev Gülağa Urfan oğlu və  25 yaşlı  Miriyev Böyükağa Ağalar oğlu müxtəlif xəsarətlər alıblar. Yaralılar Biləsuvar Rayon Mərkəzi Xəstəxanasına çatdırılıb.

Baş verən bütün qəzalarla bağlı  araşdırma aparılır.            

Xezerxeber.az mövzu ilə bağlı daha ətraflı videomaterialı təqdim edir: