VİDEO: Azərbaycan Ordusundan uğurlu əməliyyat

"Ermənistanla sərhəddə yüksəklik Azərbaycan ordusunun nəzarətinə keçib". Bu barədə Azərbaycan Müdafiə Nazirliyi məlumat yayıb.

Məlumata görə, erməni ərazilərinin asanlıqla müşahidə edilməsi mümkün olan "Odundağ" yüksəkliyi artıq Azərbaycanın nəzarətindədir.

Qazax rayonu ilə Ermənistanın Noyemberyan yaşayış məntəqəsi arasındakı ərazidə yerləşən "Odundağ" yüksəkliyi Azərbaycan ordusunun nəzarətinə keçib.

Azərbaycan Müdafiə Nazirliyinin məlumatına görə, bununla bağlı bəzi elektron kütləvi informasiya vasitələrində Ermənistandakı mənbələrə istinadən yayılan xəbərlər həqiqətə uyğundur. "Faktı təsdiq edərək bildiririk ki, həqiqətən həmin yüksəklik əlverişli və əhəmiyyətli olduğu üçün bölmələrimiz tərəfindən nəzarətə götürülüb, taktiki və mühəndis-istehkam baxımından gücləndirilib",- deyə açıqlamada bildirilir..

Qeyd edək ki, "Odundağ" yüksəkliyindən ətraf erməni əraziləri asanlıqla müşahidə edilə bildiyi üçün ordumuzun bu nailiyyəti olduqca əhəmiyyətlidir.