Gül salonlarında çaşbaş vəziyyət VİDEO

Təhsil Nazirliyinin "məktəbə güllərin gətirilməsi lazım deyil, bu infeksiyaya səbəb ola bilər" açıqlamasından sonra gül salonlarına edilən sifarişlərin bəziləri ləğv edilməyə başlayıb. Buna baxmayaraq bəzi gül salonları hələdə həmin gün satışların yaxşı olacağına inanır.

Müxtəlif gül dəstələri ilə yanaşı, məktəblilər üçün xüsusi səbətlər də hazırlayan satıcılar indi çaş-baş qalıblar. Deyirlər ki, Təhsil Nazirinin müşaviri Rüstəm Ağayevin valideynlərə dünənki müraciətindən sonra hazırladıqları gül dəstələrini sata bilməməkdən ehtiyat edirlər.

Satıcılar deyirlər ki, adətən 15 sentyabr günü güllərə təlabat çox olduğundan, onlar hazırlıqlara 4-5 gün öncə başlayıblar. Artıq bəzi sifarişlər də qəbul olunub. Lakin bu say ötən illərlə müqayisədə azlıq təkil edir.

Satıcıların sözlərinə görə, sözügedən qərardan sonra sifarişini ləğv etdirən valideynlər də olub.