Dünya şöhrətli azərbaycanlı alim Lütfi Zadənin anım günüdür VİDEO

2017-ci ilin bu günü azərbaycanlı alim,qeyri-səlis çoxluqlar nəzəriyyəsi və qeyri-səlis məntiqin banisi olan Kaliforniya Universitetinin Professoru Lütfi Zadə dünyasını dəyişib. Dünya şöhrətli alimimizi qürur, hörmət və sevgi ilə anırıq.

Bakıda doğulan Lütfi Zadə 1931-ci ildə ailəsi ilə birgə İrana köçür. Tehran Universitetinin "Elektrik mühəndisliyi "ixtisasını bitirdikdən sonra, təhsilini davam etdirmək məqsədilə 1944-cü ildə Amerikaya yollanır. Massaçusets Texnologiya İnstitutu, daha sonra Kolumbiya universitetində magistr, doktorluq dərəcələri alan Lütfi Zadə 1959-cu ildə ailəsi ilə birgə Koliforniyaya gələrək, Berkli Universitetində işləməyə başlayır.

Lütfi Zadə təkcə misilsiz alim deyil, həm də böyük vətənpərvər idi. "Mən Azərbaycanlıyam" ifadəsi ilə fəxr edən alim hələ sağlığında bütün elmi irsini, kitabları, əlyazmaları, orden-medalları, diplomları, ailəsinə məxsus fotoları belə öz həmvətənimizə, davamçısı olanŞahnaz Şahbazovaya əmanət edib.

Lütfi Zadənin davamçısı olan Şahnaz Şahbazova deyir ki, gələn il Lütfi Zadənin100 illiyi qeyd olunacaq. Bu münasibətlə alim haqqında "Lütfi Zadənin həyatı və Elmi irsi"adlı yeni kitab hazırlanır. Alimin 100 dostunun məqaləsi də hazırlanaraq, Şpringer nəşriyyatına təqdim olunub.