Şamaxıda yaşlı ər və arvadı döyüb qarət etdilər VİDEO

Şamaxıda yaşlı ər-arvadı vəhşicəsinə döyən oğrular saxlanıb. Məlum olub ki, onlar evdə 22 min ABŞ dolları olduğunu zənn ediblər. Amma real vəziyyət onların düşündükləri kimi olmayıb. Ona görə də yaşlı ər-arvada hədə-qorxu gəlməyə başlayıblar. Daha sonra onları döyərək 17 manat pul və 2 ədəd telefon götürərək aradan çıxıblar.

Şamaxıda yaşlı ər-arvadı vəhşicəsinə döyərək oğurluq edən şəxslər saxlanıb.

Bir-neçə gün əvvəl baş verən hadisənin təfərrüatı məlum olub. 3 nəfər yeyib-içdikdən sonra Şamaxı şəhər Hüseyn Ciddi küçəsi ev 11 ünvanında yaşayan yataq xəstəsi 80 yaşlı Polad Niyazov və onun 72 yaşlı həyat yoldaşı Zərifə Niyazovanın evinə gedərək, onları vəhşicəsinə döyüb və pul tələb ediblər

Aparılmış istintaqla müəyyən edilib ki, hadisəni törədənlər Şamaxı şəhər sakinləri - 21 yaşlı Elxan Heybətov, 28 yaşlı Pərvin Həmidovvə 35 yaşlı Valeh Pənahovdur. Rayon polis şöbəsinin müstəntiqiMirxalid kazımov bildirib ki,onlar evə 22 min abş dolları götürmək üçün giriblər. Həmin məbləğdə pulu tapa bilmədiklərinə görə yaşlı ər -arvadı döyərək, onlarda olan 17 manatı və 2 ədəd telefonu götürərək aradan çıxıblar.

Saxlanan şəxslərdən Pərvin Həmidov döyülən yaşlıların qohumudur. Evə girmək ideyasını o irəli sürüb. Belə ki, Pərvin Həmidov evdə 22 min manat pulun olduğunu bildirib və oğurluğa qərar verilib. Həmin şəxslər yeyib-içdikdən sonra çirkin niyyətlərini reallaşdırmaq üçün evə girərək yaşlı ər-arvadı döyüblər.

Hazırda faktla bağlı cinayət işi açılıb. Hadisəni törədənlərbarəsində Şamaxı rayon məhkəməsinin qərarı ilə 4 ay müddətinə həbs qətimkan tədbiri seçilib.