Yumşaldılma mərhələli şəkildə olmalıdır, yoxsa xoşagəlməz nəticələri ola bilər VİDEO

Dövlətin karantin rejmi ilə bağlı verdiyi qərarların əsasında vətəndaşların təhlükəsizliyi dayanır. Bu məsələdə isə vətəndaşlar səbrli olmalı, həmrəylik nümayiş etdirməlidir. Elə cəmiyyətin tanınmış şəxsləri də bu fikirdədirlər. Onların sözlərinə görə Azərbaycanda indi ciddi yumuşaldılmaya gedilməsi olduqca təhlükəlidir.

Koronavirus təhlükəsi qaldıqca və bu bəlanın vaksini tapılmadığı müddətcə sərt karantin rejminin birdən-birə ciddi şəkildə yumuşaldılmaya gedilməsi məqsədə uyğun deyil. Əks halda dünyanı cənginə alan bu virusa yoluxanların sayı yenidən kəskin arta bilər. Dövlətin karantin rejmi ilə bağlı verdiyi qərarların əsasında vətəndaşlarımızın təhlükəsizliyi dayanır.

Əməkdar incəsənət xadimi,kinoşunas Ayaz Salayev deyir ki, bu məsələdə vətəndaşlar səbrli olmalı, həmrəylik nümayiş etdirməlidir.

1-ci dəfə sərt karantin rejminin yumşaldılması əslində bütün reallığı ortaya qoydu.Sosial məsəfə başda olmaqla qaydalara əməl edilmədi. Koronavirusla mübarizədə müsbət nəticə əldə edən Azərbaycanda bir anda yoluxmalar gündəlik 400-500-600 nəfəri keçdi. Xalq artisti Teymur Göyçayev hesab edir ki, tam müsbət nəticə əldə etmək üçün qoyulan bütün qaydalara məhdudiyyətlərə əməl edilməlidir..

Ümumdünya Səhiyyə Təşkilatı və digər beynəlxaql təşkilatlar koronavirusla bağlı hələ də həyəcan təbili çalır. ÜST cəmi bir neçə gün əvvəl koronavirusla bağlı beynəlxalq fövqəladə vəziyyətin müddətini daha 3 ay uzatdı. Xalq artisti Samir Cəfərov isə düşünür ki, beynəlxalq qurumların atdığı bu addımların fonunda Azərbaycanda ciddi yumuşaldılmaya gedilməsi olduqca riskli olardı...Ciddi yumuşaldılma tədbirlərindən ən böyük zərəri elə insanlar görərəcək.

Bir müddət əvvələ qədər təhlükənin nisbətən səngidiyi avropa artıq ikinci dalğaya hazırlaşır. Xüsusilə Almaniya,İtalya və İspaniyada virusa yoluxanların sayı son günlər artıb. Təhlükə hər bir ölkədə hər an yenidən yüksələ bilər. Əməkdar artist Abbas Bağırov isə deyir ki, əsas məsələ virusun ikinci dalğasından minimum zərərlə çıxmaqdır. Bütün çətinliklərə baxmayaraq, sağlamlığımızı qoruyan addımları dəsdəkləməliyik.

Karantin rejiminin yumşaldılması vəya sərtləşdirlməsi ilə bağlı qərarlar populist tonda çıxış edənləri fikirləri əsasında yox mütəxəssilərin rəyləri və proqnozları əsasında qəbul edilir.