Təmiz əllər kampaniyası davam edir VİDEO

Koronavirus təhlükəsinin davam etdiyi bu günlərdə müsbətə köklənmək vacib məsələlərdən biridir.Dünyadakı mənzərə ürəkaçan olmasa da, ən çox bu ərəfədə bədbinliyə yol vermək olmaz. Ona görə də pozitivliyi qorumaq üçün maraqlı layihələr həyata keçirilir. Belə layihələrdən biri kimi ümumdünya səhiyyə təşkilatının azərbaycan üzrə nümayəndəliyi maraqlı bir çağırış başladıb.

Təmiz əllər kampaniyası davam edir.

Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmancı koronavirus təhlükəsinin dünyanı cənginə aldığı bir vaxtda maraqlı bir çağırış başladıb. O, virusdan qorunmağın ən asan yollarından biri olan əlyuma ilə bağlı ''təmiz əllər '' kampaniyasına start verib.

İnsanları ''Təmiz əllər'' kampaniyasına qoşulmağa dəvət edən Hande Harmancı estafeti İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyevə ötürüb.

Çağırışı qəbul və icra edən Agentliyin İdarə Heyətinin sədri Zaur Əliyev isə estafeti BMT-nin Azərbaycandakı rezident əlaqələndiricisi Qulam İshaqzaiyə ötürüb.

Kampaniyanın məqsədi əlləri mütəmadi olaraq düzgün qaydada sabunla yumaq və diqqəti koronavirusla mübarizəyə yönəltməkdir.