Çində vəziyyət yaxşılığa doğru gedir - Asif Babayev ən son məlumatları XəzərXəbər-lə bölüşüb - VİDEO

Koronavirusun ilk yayıldığı Çində həyat əvvəlki axarına qayıdır. Ümumilikdə bu ölkədə 67 min 819 nəfər virusdan sağalıb. Bir çox şəhərdə karantin rejimi ləğv edilib. Çinin Cyucanəyalətinin Sauşin şəhərindəyaşayan həmyerlimiz Asif Babayev ən son məlumatları XəzərXəbər-lə bölüşüb.

Çinin bir çox əyalətində karantin rejimi ləğv olunub, insanların gündəlik iş rejimi bərpa edilib.

Virusun ilk yayıldığı Çində vəziyyət gündən-günə yaxşılığa doğru gedir. Cyucan əyalətinin Sauşin şəhərində yaşayan həmyerlimiz Asif Babayev deyir ki, onun yaşadığı şəhər virusdan əvvəlki günlərə qayıdıb. Alış-veriş mərkəzləri yenidən fəaliyyətə başlayıb. İnsanların əvvəlki iş rejimi bərpa edilib.

Asif Babayev deyir ki, onun yaşadığı şəhər tekstil istehsalı ilə məşhurdur. Burdakı zavod və fabriklər gündəlik məhsul istehsalını davam etdirir. Virusun yenidən yayılmaması üçün isə Çin hökumətinin nəzarət tədbirləri davam edir.

Qeyd edək ki, Çində virusa yoluxanların böyük əksəriyyəti artıq sağalıb. Bu günə qədər 67 min 819 nəfər müalicəsini uğurla başa çatdırıb.