Xalq artisti Rafael Dadaşov vəfat etdi VİDEO

Xalq artisti Rəfael Dadaşov uzun sürən onkoloji xəstəlikdən sonra dünyasını dəyişib. Sənətkar sabah II Fəxri Xiyabanda dəfn olunacaq.

O yaratdığı obrazlarla hər kəsin qəlbində taxt qurub.

Səhnəmizin donjuanı, rasimi bu gün gözlərini dünya işiğına əbədi olaraq yumub.

Xalq artisti Rəfael Dadaşov bu gün günorta saatlşarında uzun sürən xəstəlikdən sonra evində dünyasını dəyişib. Xalq artistinin yaxınlarının sözlərinə görə aktyorun vəziyyəti bir necə gündür daha da pisləşmişdi.

Oğlu Emil Dadaşovun sözlərinə görə atası dünyasını dəyişmədən öncə yaxınları ilə vidalaşıb hətta kiçik bir vəsiyyətdə edib.

Xalq artistinin sənət yoldaşları da onun itkisini qəbul edə bilmirlər. Rəfael dadaşovun ölümünün sənət dünyası üçün böyük hüzün olduğunu bildiriblər.

Qeyd edək ki, sənətkar uzun müddətdir ürək və ağciyərində olan problemdən əziyyət çəkib. Xalq artistinin yaxınlarının sözlərinə görə, o, sabah II Fəxri Xiyabanda dəfn olunacaq