Apteklərin iş rejimində dəyişiklik olmayacaq VİDEO

Apteklər də əvvəlki qaydada fəaliyyətini davam etdirir. Əməkdaşlarımız bu gün paytaxtda yerləşən bir neçə aptekdə olub, mövcud dərman ehtiyyatları və iş fəaliyyəti ilə maraqlanıblar.

Tətbiq edilən xüsusi rejimlə əlaqədar olaraq apteklər əvvəlki iş rejimləri ilə işləyəcəklər.

Paytaxt ərazisində fəaliyyət göstərən apteklərin bir çoxu səhər saat 8 dən axşam 10 -a qədər işləyir. Lakin gecə 11-12-yə qədər işləyən apteklər də az deyil.

Bəzi tibbi vasitələrə son günlər tələb çox olduğundan apteklər belə məhsulları öncədən ehtiyat üçün daha çox tədarük ediblər.

Elə vətəndaşlar da belə bir vaxtda apteklərə tələbatın çox olduğunu deyirlər.

Qeyd edək ki, bu gündən ölkə ərazisində bəzi sosial izolyasiya tədbirləri tətbiq olunur.