Şamaxı və Goranboyda ağır qəzalar - 2 nəfər ölüb - VİDEO

Şamaxıda avtomobilin aşması nəticəsində sürücü ölüb.

Xezerxeber.az-ın məlumatına görə, hadisə Bakı-Şamaxı-Yevlax yolunun Şamaxının Muğanlı qəsəbəsi ərazisində qeydə alınıb.

Şamaxı sakini, 30 yaşlı Eldəniz Kərimov minik avtomobili ilə hərəkətdə olarkən idarəetməni itirib, maşın yoldan çıxaraq aşıb. Sürücü ağır bədən xəsarətləri aldığı üçün Təcili Tibbi Yardım stansiyasının avtomobili ilə Şamaxı Rayon Mərkəzi Xəstəxanasına çatdırılıb. Həkimlərin səyinə baxmayaraq Eldəniz Kərimovun həyatını xilas etmək mümkün olmayıb.

Goranboyda isə kişini avtomobil vuraraq öldürüb. Hadisə Bakı-Qazax avtomagistralının rayonun Dəlimmədli qəsəbəsindən keçən hissəsində baş verib. Yolu keçməyə cəhd edən piyadanı mikroavtobus vurub. Sürücü yaralını dərhal xəstəxanaya çatdırsa da, onun həyatını xilas etmək mümkün olmayıb. Şəxsiyyəti hələ ki, dəqiqləşməyən kişi orada vəfat edib.

Hər iki faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: