Bərdədə "Amminal" partlayıb, yaralananlar var - VİDEO

Bərdə sakininin əlində hərbi sursat olan "Amminal" partlayıb.

Xezerxeber.az-ın məlumatına görə, hadisə Arabaçılar kəndində qeydə alınıb.

Partlayıcı vasitə olan "Amminal" ehtiyatsız davranma nəticəsində Məhəmməd Məmmədlinin əlində partlayıb. Nəticədə o və həyat yoldaşı Gülnarə Məmmədli müxtəlif dərəcəli bədən xəsarətləri alıblar. Hər iki yaralı Bərdə Rayon Mərkəzi Xəstəxanasına yerləşdirilib. Məlumata görə, Məhəmməd Məmmədli partlayıcı vasitəni su kanalının kənarında tapıb və evə gətirərək onu yoxlamaq istəyib. Bu zaman partlayış olub.

Faktla bağlı araşdırma aparılır.

Xezerxeber.az mövzu ilə bağlı videogörüntünü və həkim Aidə Bayramovanın açıqlamasını təqdim edir: