Bakı “Yaradıcı şəhərlər şəbəkəsi” siyahısına düşdü VİDEO

Bakının UNESKO-nun "Yaradıcı şəhərlər şəbəkəsi"nə daxil edilməsi bizə paytaxtı, eyni zamanda regionlarımızı yaradıcı mərkəzə çevirməyə imkan verəcək. Bunu Mədəniyyət Nazirliyinin aparat rəhbərini müavini Vasif Eyvazzadə deyib. Vasif Eyvazzadə deyib ki, bu qərar yaradıcılıqla məşğul olan insanların , təşkilatların innovativ layihələrinin həyata keçirilməsini sürətləndirəcək.

Bakı səhərinin UNESKO-nun "Yaradıcı şəhərlər şəbəkəsi"nə qoşulması ölkəmizin dünyada artan nüfuzunun göstəricisidir.

Mədəniyyət Nazirliyinin aparat rəhbərinin müavini Vasif Eyvazzadə bildirib ki, Bakı səhərinin UNESKO-nun bu şəbəkəsinə qoşulması ölkəmiz üçün tarixi hadisədir. Çünkü bu şəbəkəyə hazırda dünya üzrə cəmi 246 şəhər daxil edilib. Şəhərlər bu siyahıya incəsənət və sənətkarlıq, xalq sənəti, dizayn, kinematoqrafiya, qastronomiya, ədəbiyyat, media və musiqi kateqoriyaları üzrə salınır. Bakı şəhəri dizayn kateqoriyası üzrə siyahıya alınıb. Şəhərlərin bu siyahıya salınmasında 3 T prinsipi əsas götürülür, bunlar talant, texnologiya və tolerantlıqdır.

Bakıya belə bir qiymətin verilməsi həm paytaxtı, eyni zamanda regionlarımızı yaradıcı mərkəzə çevirməyə imkan verəcək

Qeyd edək ki, bu il 31 oktyabr - Dünya Şəhərlər Günü münasibətilə UNESKO 48 ölkədən 66 şəhəri "Yaradıcı şəhərlər şəbəkəsi"nə daxil edib.