Prezident İlham Əliyev Qəbələ və Ağdaş rayonlarına səfər edib VİDEO

Prezident İlham Əliyev bu günQəbələ rayonunda olub. Dövlət başçısı bir sıra sosial iqtisadi əhəmiyyətli obyektlərin açılışında iştirak edib. Ardınca prezident İlham Əliyev Ağdaşa yollanıb.

Prezidenti İlham Əliyev Qəbələ rayonuna səfərini ümummilli lider Heydər Əliyevin şəhərinmərkəzində ucaldılmış abidəsini ziyarət edərək başlayıb.

Sonra Prezident İlham Əliyevə son illər rayonda görülən işlər, həyata keçirilən layihələr barədə məlumat verilib. Bildirilib ki, rayonun sosial-iqtisadi göstəriciləri xeyli yaxşılaşıb, çoxlu sosial infrastruktur obyektləri tikilib, istehsal müəssisələri yaradılıb. abidənin yerləşdiyi Heydər Əliyev Parkında əhalinin istirahəti üçün hər cür şərait yaradılıb.

DövlətbaşçısıQəbələ rayonunun Vəndam qəsəbəsində dekorativ gülçülük istixanası ilə tanış olub. "AzRose" MMC xüsusi qızılgül növlərinin yetişdirilməsi üçün Qəbələ rayonunun Vəndam qəsəbəsində istixanaların quraşdırılması işlərinə 2017-ci ildən başlayıb. Qəbələ istixana kompleksinin yaradılmasında 90 illik holland təcrübəsinə malik "Bosman van Zaal" şirkətinin texnoloji yeniliklərindən istifadə olunub. Burada "Red Naomi", "Avalanj", "Talea", "Aqua", "Svitt Avalanj", "Jumilia", "Vov" və "London eye" kimi xüsusi qızılgül növləri yetişdirilir, yerli və xarici bazarlara satışa çıxarılması hədəflənir. Bu məhsullar bazara "Made in Azerbaijan" brendi ilə çıxarılacaq. Bundan məqsəd həm ölkəmizin adını beynəlxalq arenada uğurla təmsil etmək, həm də bu brend adı altında çeşidin çoxalmasına töhfə verməkdir.

Prezident İlham Əliyev həmçinin Qəbələ rayonunda 110/35/10 kilovoltluq "Qəbələ" elektrik yarımstansiyası yenidənqurmadan sonra istismara verilməsi mərasimində iştirak edib. Dövlət başçısı buradayaradılan şəraitlə tanış olub, "Qəbələ" elektrik yarımstansiyasını və eyni zamanda, yenidən qurulan 110/35/10 kilovoltluq "Ağdaş" elektrik yarımstansiyasını işə salıb.

Prezident İlham Əliyevin iştirakı ilə Qəbələ şəhərinin içməli su təchizatı və kanalizasiya sistemləri istifadəyə verilib.

Dövlət başçısı "Azərxalça" Açıq Səhmdar Cəmiyyətinin Qəbələ filialının açılış mərasimində də olub. Filialda yaradılan şəraitlə tanışlıqdan sonra Prezident İlham Əliyev müəssisənin kollektivi ilə görüşüb.

Qəbələ rayonunun Böyük Əmili-Bılıx-Əmirvan avtomobil yolunun yenidənqurmadan sonra açılışı olub.Prezident İlham Əliyev avtomobil yolunun açılışında iştirak edib.

Sonra Dövlət başçısı Ağdaş rayonuna səfərə gəlib. Prezident İlham Əliyev, ümummilli lideri Heydər Əliyevin Ağdaş şəhərində ucaldılmış abidəsini ziyarət edərək önünə gül dəstəsi qoyub. Son illər rayonda görülən işlər, həyata keçirilən layihələr, eləcə də Ulu Öndərin abidəsi ətrafında aparılan abadlıq-quruculuq işləri barədə məlumat verilib.

Dövlət başçısı Ağdaş rayonunda yenidən qurulan Qolqəti-Dəhnəxəlil-Qoşaqovaq-Ərəbocağı avtomobil yolunun istifadəyə verilməsi, Ağdaş şəhərinin içməli su təchizatı və kanalizasiya sistemlərinin açılış mərasimi, Ağdaş rayon telekommunikasiya qovşağında "Şəbəkə" xidmət mərkəzi istifadəyə verilməsi vəAğdaşda biyan sənaye parkının açılış mərasimlərində iştirak edib.