Volfqanq Maniq - Azərbaycan bizim üçün strateji əhəmiyyətli ölkədir - VİDEO

''Azərbaycan bizim üçün strateji əhəmiyyətli ölkədir". Bunu Almaniyanın Azərbaycandakı səfiri Volfqanq Maniq mətbuat konfransında deyib. O Azərbaycanın Almaniyanın enerji təhlükəsizliyində rol oynadığını da əlavə edib. Səfir Dağlıq Qarabağ münaqişəsindən də danışıb, tərəflərin danşıqlar prosesində iştirak etməsini müsbət addım adlandırıb.

Səfir 2020-ci ilədək Almaniyanın BMT Təhlükəsizlik Şurasına sədrlik edəcəyini və bu struktur çərçivəsində də Azərbaycanla əməkdaşlığı genişləndirməyə çalışacaqlarını bildirib. Eyni zamanda 2020-ci ilin yayında Almaniya Avropa İttifaqına, payızında isə Avropa Şurasına sədrlik edəcək və bu təşkilatlarla da əlaqələrin genişlənməsinə çalışacaqlarını bildirib. Eyni zamanda o bildirib ki, Almaniya Aİ ilə Azərbaycan arasında tərəfdaşlıq sazişinin imzalanmasını istəyir.

Səfir hazırda Almaniyada 25 min Azərbaycanlının yaşadığını və 1400 Azərbaycanlı tələbənin bu ölkədə təhsil aldığını da bildirib.