Çindən gələn qatar Azərbaycana çatdı VİDEO

Azərbaycanın tranzit imkanlarının artması baxımından daha bir uğura imza atılıb. Çinin Sian şəhərindən gələn blok qatarlar Bakıya çatıb.

Layihə bu ilin aprel ayında Pekində keçirilən 2-ci "Bir kəmər, bir yol" Forumunda Beynəlxalq Transxəzər Nəqliyyat Marşrutu ilə hərəkət edən konteyner qatarlarının təşkili üzrə əməkdaşlıq çərçivəsində baş tutub. Abşeron Logistika Mərkəzində Sian-Bakı blok qatarını qarşılama mərasimində İqtisadiyyat naziri Şahin Mustafayev, "Azərbaycan Dəmir Yolları" QSC-nin sədri Cavid Qurbanov və Çin Nümayəndə heyəti iştirak edib.

Jurnalistlərin suallarını cavablandıran İqtisadiyyat Naziri Şahin Mustafayev Qədim İpək yolunun başladığı Sian şəhərindən qatarların qarşılanmasını yüksək qiymətləndirib. Onun sözlərinə görə, bu həm də rəmzi xarakter daşıyaraq qədim ipək yolunun bərpası anlamına gələ bilər

Nazir Azərbaycanla Çin arasında ticarət əlaqələrinin inkişafına diqqət çəkib

Şahin Mustafayev Azərbaycan-Çin münasibətlərindən danışarkən xatırladıb ki , bu ilin aprelində Pekində keçirilən2-ci "Bir kəmər, bir yol" forumu çərçivəsində 2 ölkəşirkətləri arasında 800 milyon dollarlıq 10 müqavilə imzalanıb..