Zaqatala və Sabirabadda yol qəzaları: 2 ölü, 1 yaralı var - VİDEO

Zaqatalada ağır yol qəzası baş verib. Nəticədə bir nəfər ölüb, bir nəfər xəsarət alıb.

Xezerxeber.az-ın məlumatına görə, hadisə bu gün gecə saatlarında rayonun Üçtala kəndi ərazisində baş verib.

Rayonun Fındıqlı kənd sakini, 30 yaşlı Qurban Xəlilov "İJ" markalı qoşqulu motosikletlə hərəkətdə olarkən idarəetməni itirib və motosikleti yolun kənarındakı ağaca vurub. Qəza nəticəsində Qurban Xəlilov aldığı müxtəlif dərəcəli bədən xəsarətlərindən hadisə yerində ölüb.

Motosikletdə olan sərnişin, Fındıqlı kənd sakini 31 yaşlı Xəyal Zurabov aldığı müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına yerləşdirilib.

Faktla bağlı Zaqatala Rayon Polis Şöbəsində araşdırma aparılır.

Sabirabaddakı qəza da ölümlə nəticələnib. Hadisə şəhərin Heydər Həmidov küçəsində qeydə alınıb. Rayon sakini, 37 yaşlı Azad Həziyev idarə etdiyi avtomobili su kanalına aşırıb. Nəticədə sürücü hadisə yerində dünyasını dəyişib.

Faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: