Tovuzda Aşıq Sənəti Dövlət Muzeyi üçün yeni bina tikilir - VİDEO

Tovuzda Hüseyn Bozalqanlı adına Azərbaycan Aşıq Sənəti Dövlət Muzeyi üçün yeni bina inşa olunur. Müasir standartlara cavab verən binada tikinti işləri sürətlə davam etdirilir.

Xezerxeber.az-ın məlumatına görə, dövlətin qədim musiqi alətimiz olan saza verdiyi dəyərin bariz nümunələrindən biri də Tovuzda tikilən Azərbaycan Aşıq Sənəti Dövlət Muzeyidir. Prezidentin tapşırığı əsasında dövlət vəsaiti hesabına müasir standartlara uyğun inşa edilən əzəmətli bina Aşıq Hüseyn Bozalqanlının adını daşıyacaq. Yeni muzey eksponatlarla da zənginləşdiriləcək.

Hazırda işlərin böyük hissəsi yekunlaşıb. İlin ikinci yarısında bina istifadəyə veriləcək

Bu muzey 1984-cü ildən ozan-aşıq sənəti muzeyi kimi fəaliyyət göstərir. 1990-cı il martın 22-də Nazirlər Kabinetinin qərarı ilə ustad aşıq Hüseyn Bozalqanlının şərəfinə Aşıq Hüseyn Bozalqanlı adına Azərbaycan Aşıq Sənəti Dövlət Muzeyi adlandırılıb. Binanın tikinti işləri davam etdiyi üçün muzey hazırda Tovuz rayon Mədəniyyət Mərkəzində yerləşir. Burada 1920 eksponat qorunub saxlanılır.

Xezerxeber.az mövzu ilə bağlı daha ətraflı videomaterialı təqdim edir: