Bu məktəbdəki şahmat fiqurları uşaqların özü boydadır VİDEO

Bu məktəbdəki şahmat fiqurları uşaqların özü boydadır.

Görüntülər Mingəçevir Şahmat məktəbindədir. Burada şahmat dərsləri açıq havada, qeyri adi şəkildə keçilir. Uşaqların şahmata həvəsini artırmaq üçün binanın qarşısında lövə hazırlanıb. Müxtəlif yaş qruplarından olanlar lövhə üzərinə fiqurları həvəslə daşıyırlar. Bu idman növünə yeni başlayanlar məşqçi-müəllimlər tərəfindən qədim hind oyunun sirlərini öyrənirlər.

Şagirdlər bu cür böyük fiqurların onlar üçün daha maraqlı olduğunu deyirlər. Valideynlər də şahmat dərslərinin qapalı məkandan kənarda, açıq havada keçirilməsinin tərəfdarı olduqlarını bildirir.

Bu məktəbdə hazırda müxtəlif yaş qruplarından olan 412 şagird şahmatın sirlərini öyrənir.