Zaqatala və Hacıqabulda ağır qəzalar - 2 ölü, 2 yaralı var - VİDEO

Zaqatalada minik avtomobilinin ağaca çırpılması ölümlə nəticələnib.

Xezerxeber.az-ın məlumatına görə, ağır qəza ötən gecə Zaqatalanın Kəpənəkçi-Qandax avtomobil yolunda baş verib.

Kəpənəkçi kənd sakini Ramil Mehdiyev idarə etdiyi minik avtomobili ilə hərəkətdə olarkən sükana nəzarəti itirib və maşın yoldan çıxaraq ağaca çırpılıb. Sürücü Ramil Mehdiyev aldığı xəsarətlərdən hadisə yerində dünyasını dəyişib.

Qəza gecə saatlarında baş versə də, hadisədən səhər saatlarında xəbər tutulub. Sükan arxasında sıxılmış vəziyyətdə qalan sürcünün meyiti xilasedicilər tərəfindən çıxarılaraq aidiyyəti üzrə təhvil verilib. Avtomobildə olan sərnişinlər - Ramin Kərimov və Camal Hacıyev isə müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına yerləşdiriliblər. Vəziyyətləri orta-ağırdır. Qəzaya düşən şəxslərin sərxoş olduğu ehtimal edilir.

Hacıqabulda isə minik avtomobilinin piyadanı vurması ölümlə nəticələnib. Hadisə Bakı-Qazax magistralında baş verib. Bakı şəhər sakini Bəxtiyar Əlizadə idarə etdiyi minik avtomobili ilə yolu keçmək istəyən piyadanı- Ağdaşın Qoşaqovaq kənd sakini 28 yaşlı Xəyal Həmidovu vurub. Yaralı xəstəxanaya aparılarkən yolda dünyasını dəyişib. Sürücü piyadanın sərxoş olduğunu bildirib.

Hər iki faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: