Metroda yaranmış sıxlığın səbəbi açıqlandı VİDEO

Bu gün səhər saatlarından başlayaraqBaki Metropolitenində qatarların gedişində problem yaranıb. Belə ki, qatarlar tuneldə dəqiqələrlə gözləməli olub.

Bakı Metropoliteninin mətbuat xidmətinin rəhbəri Bəxtiyar Məmmədov açıqlamasında yaranmış problemin səbəbinə aydınlıq gətirib.

O bildirib ki, yaranmış problem sərnişin sıxlığı ilə əlaqədardır: "Qatarlarda heç bir problem yoxdur. Sadəcə bu gün sərnişin sıxlığı həddindən artıq çox olduğu üçün belə problemin yaranmasına səbəb olub".

"Yavaş-yavaş qatarların qrafik üzrə fəaliyyəti bərpa olub" - deyə B.Məmmədov əlavə edib.