Bakıda Formula-1-ə hazırlıqlar başladı VİDEO

26-28 aprel tarixində Bakıda keçiriləcək ''Formula 1'' yarışına maraq olduqca çoxdur. Bakıda keçiriləcək bu yarışı izləmək üçün artıq 46 ölkədən bilet alınıb. Bu arada növbəti''Formula 1'' Azərbaycan qran prisinə hazırlıq çərçivəsində trekin ətrafına təhlükəsizlik baryerləri quraşdırılır və digər işlər sürətlə aparılır.

Bir tərəfdə yollara təhlükəsizlik baryerləri quraşdırılır, digər tərəfdə isə tamaşaçıların keçidi tikilir.

Görüntülər ''Formula '' yarışı üçün aparılan hazırlıq işlərindəndir. Artıq bir neçə gündür ki, bu il aprelin 26-dan 28-nə kimi keçiriləcək ''Formula 1'' yarışı üçün hazırlıq işlərinə start verilib. ''Bakı Şəhər Halqası'' əməliyyat Şirkətinin marketinq və kommunikasiya departamentinin rəhbəri Nigar Arpadarainin sözlərinə görə, işlər aprel ayının ortasına qədər tam yekunlaşacaq.

Qeyd edək ki, trek ətrafı bir neçə yerdə tribunalar da tikiləcək. Tamaşaçıların oturacaqları yaxın günlərdə əraziyə gətirilərək quraşdırılmasına başlanacaq. Bulvar tərəfdəki tribunalara bileti olanların rahat və təhlükəsiz keçməsi üçün bir neçə yerdə müvəqqəti yerüstü piyada keçdi də tikilir.

Nigar Arpadarai yolların bağlanacağı tarixi də açıqladı. Aprelin 22-dən, 29-30 tarixinə kimi paytaxtın mərkəzi küçələrinin bağlı olacaq. Həmin ərazidə yaşayan sakinlərin evlərinə gəlib-getməsi üçün buraxlış vərqələrininin alınmasına gəldikdə isə bu yarışdan əvvəl elan ediləcək.Nigar Arpadarai yarışa marağın çox olduğunu da bildirdi.

Qeyd edək ki, Bakı Şəhər Halqası ilə "Formula 1" Şirkətlər Qrupu arasında Azərbaycan Qran-prisinin keçirilmə müddətinin 2023-cü ilə qədər uzadılmasından sonra bilet satışı iki dəfə artıb.