Baş epidemioloq: “Bu virus hər kəsdə var…” VİDEO

A/H1N1 virusu ilə bağlı hər hansı bir narahatlığa əsas yoxdur.

Bunu Respublikanın Baş epidemioloqu İbadulla Ağayev deyib. O bildirib ki, ölkədə heç bir yoluxucu epidemiya yoxdur. Sadəcə olaraq hazırda havaların soyuması ilə əlaqədar mövsümi qriplər var.

Baş epidemioloq qeyd edib ki, qrip virusu ilə bağlı müracitlərdə də artım müşahidə edilmir.

İbadulla Ağayevin sözlərinə görə, adətən noyabrdan mart ayınadək insanlar daha çox xəstələnir. Buna səbəb həmin dövrdə havaların soyumasıdır. Qripə yoluxmamaq üçün isə gigiyenik qaydalara riayət edilməlidir.

Baş epidemioloq vurğulayıb ki, hər həkim və ya xəstəxana insana "Donuz qripi" ilə bağlı diaqnoz qoya bilməz. Bu cür diaqnoz yalnız Taun Əleyhinə Stansiyanın laboratoriyası tərəfindən qoyulur.