Yeni il yaxınlaşdıqca ölkədə xarici turistlərin sayı da artır VİDEO

Yeni il yaxınlaşdıqca ölkədə xarici turistlərin sayı da artır.

Dünyanın müxtəlif ölkələrindən Bakını və Azərbaycanın bölgələrini seçənlərin sayında ötən illə müqayisədə 2 dəfə artım var. Turizm eksperti Ramin Zamanovun sözlərinə görə, bu artım hava yolları şirkətlərinin yeni istiqamətlərdə açdığı uçuşlar və ölkəmizə olan maraqdan irəli gəlir. Ekspert deyir ki, yeni il bayramını Azərbaycanda qarşılayacaq əcnəbilər arasında Körfəz ölkələri və Rusiya vətəndaşları üstünlük təşkil edirlər.

Mütəxəssislər deyirlər ki, ölkəmizə gələn turistlər arasında paytaxtla yanaşı, Yeni ili bölgələrdə də qeyd etmək istəyənlər var.

Turizm ekspertlərinin fikrincə, bayram günləri yaxınlaşdıqca turist axını davam edəcək.