İmtahan tarixləri bəlli oldu VİDEO

2019-cu ildə Dövlət İmtahan Mərkəzi tərəfindən keçirilməsi nəzərdə tutulan magistratura və rezidenturaya qəbul imtahanlarının, sınaq imtahanları və dövlət qulluğuna qəbul imtahanlarının tarixləri müəyyən edilib.

Rezidenturaya qəbulun I mərhələsi martın 31-də, II mərhələsi isə iyulun 14-də keçiriləcək. Dövlət İmtahan mərkəzinin sektor müdiri Xanlar Xanlarzadə sözügedən imtahanların qaydalarında ciddi dəyişikilik olmadığını vurğulayıb

Fevralın 3-də magistraturaya qəbul olmaq istəyənlər üçün imtahanın I mərhələsi üzrə kağız daşıyıcılar vasitəsilə sınaq imtahanı keçiriləcək. Xanlar Xanlarzadə bildirib ki, Bakı şəhəri və bölgələr üzrə 9 illik orta təhsil bazasında təhsil alanlar üçün buraxılış imtahanlarının ilk mərhələsi mart ayında, 11 illik orta təhsil bazasında təhsil alanlar üçün buraxılış imtahanları isə aprel ayında təşkil olunacaq. Ali təhsil müəssisələrinə və kolleclərə qəbul olmaq istəyən əvvəlki illərin məzunları üçün buraxılış imtahanı qaydasında keçirilən qəbul imtahanı da aprel ayında təşkil olunacaq.

2019-cu ildə ali məktəblərə qəbul imtahanları yeni model əsasında keçiriləcəyindən şagirdlərin sınaq imtahanlarında iştirakı vacibdir.

Dövlət qulluğuna qəbul üçün yeni ilin ilk imtahanları 26 yanvarvə 17 fevraltarixlərində keçiriləcək.