Bu balığı yemək olmaz? VİDEO

Bəzi rayonlarda naqqa balığı yeyilmir. Həmin rayonun sakinləri bunu dədə-babadan belə eşitmələri ilə izah edirlər. Bəzi sakinlər isə dinin qadağası kimi naqqa balığını yemədiyiklərini deyirlər. Məsələyə ilahiyyatçıların münasibətini öyrənmişik.

Bəzi rayonlarda naqqa balığı haram sayılır və bu səbəbdən onun yeyilməsi məqsədəuyğun hesab olunmur.

Cəlilabad da belə rayonlardan biridir. Burada naqqa balığına demək olar ki, maraq yoxdur.

Cəlilabadda naqqa balığı yeyilmədiyindən bu balıq növü ümumiyyətlə bazara çıxarılmır.

Sakinlər naqqa balığı ilə bağlı qadağanı əsasən din ilə əlaqələndirdiklərindən məsələyə ilahiyyatçıların münasibətini öyrəndik. İlahiyyatçı Mirhəmid Məmmədov bu qadağanın təriqətdən təriqətə dəyişdiyini deyir.

Cənub bölgəsi istisna olmaqla, bəzi rayonlarda naqqa balığının ətindən istifadə olunur. Hətta bu balığın ətinin daha dadlı olduğunu deyənlər də var.