Dərnəgüldə maşın vuran piyada can verir: təcili yardım gecikir, vətəndaşlar deyib-gülür — ANBAAN VİDEO

XəzərXəbər-in "Ölkə.Az"-a istinadən verdiyi məlumatına görə, "Koroğlu" metrostansiyası istiqamətində hərəkət edən 99-XL-927 "Ford" markalı yük avtomobili yolun hərəkət hissəsindən keçən piyadanı vurub. Əraziyə dərhal yol polisi və təcili yardım çağırılıb. Hadisə şahidlərinin əməkdaşımıza bildirdiyinə görə, təcili yardım isə çağırılandan xeyli gec gəlib.

Bu arada hadisəni kənardan izləyən vətəndaşlar zarafatlarından da qalmayıblar. Təcili yardımın hadisə yerinə gecikdiyini deyən şəxsi çəkmək istəyən əməkdaşımıza "məni yox e, onu çək" deyərək dişlərini ağardan şəxsin görüntülərini təqdim edirik.