İndoneziyada sərnişin təyyarəsi QƏZAYA UĞRADI: 189 nəfər... - İLK GÖRÜNTÜLƏR - VİDEO

Bu haqda İndoneziyanın Fövqəladə vəziyyətlərinin aradan qaldırılması üzrə Agentliyə istinadən "Jakarta Post" qəzetinin internet-versiyası bildirib. Yava adasının qərb sahilində olan bir neçə mülki gəminin ekipajları bildiriblər ki, dənizdə bölünmüş təyyarəni tapıblar. Nəşr yazır ki, sərnişinlərin və ekipajın taleyi haqqında hələ heç bir məlumat yoxdur.

***

İndoneziyada "Lion Air" aviaşirkətinə məxsus "Boeing 737" tipli sərnişin təyyarəsi qəzaya uğrayıb.

Bu haqda "Röyters” agentliyi bildirib.

"Straits Times” qəzeti isə bildirib ki, təyyarə uçuşdan 13 dəqiqə sonra radarlardan itib. Qəza təyyarə daxili reys ilə paytaxt Cakartadan Panqkal-Pinanq şəhərinə uçan zaman baş verib. Nəşrin məlumatına görə, təyyarə Cakartadan yerli vaxtla 6:20-də qalxıb və 6:33-də radarlardan itib.

Təyyarələrin uçuşlarını izləyən "Flightradar” resursunun məlumatına görə layner Yava adasının qərb sahilində dənizə düşüb. Zərərçəkənlər və sərnişinlərin sayı haqqında hələ heç bir məlumat yoxdur. Lakin təyyarənin 210 nəfərlik sərnişin tutumuna malik olduğu bildirilir.

Axtarış-xilasedici əməliyyatı başlanıb./publika.az