Ağdaşda fərdi təsərrüfata hücum edən canavarlar mal-qaranı tələf edib.
Xezerxeber.az bildirir ki, hadisə Aşağı Nemətabad kəndində baş verib.
Canavarlar kənd sakini Əbülfət Əhmədovun həyətindəki tövləyə girərək 10 baş xırdabuynuzlu heyvanı parçalayıb. Yalnız ev sahibinin hay-küyü ilə yırtıcıları ərazidən uzaqlaşdırmaq mümkün olub.
Sakinlərin sözlərinə görə, bu hal canavarların kəndə heç də ilk hücumu deyil.