Artıq 26 ildir ki, hər il bu cür "yol əhvalatı" İspaniyanın paytaxtında keçirilir. Məhz 1992-ci ildə şəhər rəhbərliyi artıq yaddaşlardan silinən bir ənənəni— sürülərin payızda şimaldan cənuba köçürülməsini— yenidən canlandırmağa qərar verib.
Hər il onminlərlə Madrid sakini və turist bu qeyri-adi yürüşü izləməyə gəlir. Bu il də ənənəvi xalq musiqisi və rəqs sədaları altında 1550 qoyun və 80 keçi 4 saat ərzində şəhərin mərkəzinin gəzməli-görməli yerlərindən keçib. Xırdabuynuzluların İspaniyanın şimal-qərbində yerləşən Leon vilayətindən Madridə səfərləri isə bir ay çəkib./sputnik.az
