Xəzər Xəbər

“Bilik Günü” sentyabrın 15-i qeyd olunacaq Səbəbi nazirlik AÇIQLADI - VİDEO

Veb TV | 20:53 • 11 Sentyabr 2018
“Bilik Günü” sentyabrın 15-i qeyd olunacaq

Sentyabrın 15-də bütün orta məktəblərdə bilik günü qeyd olunacaq. Təhsil Nazirliyindən verilən məlumata görə, 15 sentyabr tarixi şənbə gününə təsadüf etdiyindən 5 günlük tədris həftəsi tətbiq olunan məktəb və siniflərin şagirdləri, xüsusilə də birinci sinif şagirdləri həmin gün məktəbə gələrək müəllimləri ilə görüşə, sinif otaqları, dərs cədvəli ilə tanış ola bilərlər. Həmin məktəb və siniflərdə ilk dərs gününün sentyabrın 17-də olacağı da açıqlanıb.

Bir neçə gündən sonra ölkədə "Bilik günü" qeyd olunacaq. Ancaq sentyabrın 15-i şənbə gününə təsadüf etdiyindən valideyinlər arasında çaşqınlıq yaranıb.

Bununla əlaqədar Təhsil Nazirliyi "Bilik Günü"nün sentyabrın 15-də və ya 17-də keçiriləcəyi ilə bağlı ortaya çıxan anlaşılmazlıqlara aydınlıq gətirib. Nazirliyin İctimaiyyətlə əlaqələr sektorunun müdiri Cəsarət Valehov deyib ki, ölkə üzrə bütün məktəblərdə "Bilik Günü" birmənalı şəkildə sentyabrın 15-də keçiriləcək.

Cəsarət Valehovun sozlərinə görə, beş günlük tədris həftəsi tətbiq olunan məktəblərin birinci sinif şagirdləri üçün həmin gün məktəblə tanışlıq günü olacaq.

Dərslər beş günlük dərs həftəsi üzrə təhsil alanlar üçün sentyabrın 17-də, altı günlük dərs həftəsi üzrə təhsil alanlar üçün isə sentyabrın 15-də başlayacaq..

Xəbər lenti

Çox oxunanlar