Azərbaycan-Rusiya sərhədində sıxlıq yarandı VİDEO

Rusiya-Azərbaycan sərhədində yerləşən Samur gömrük buraxılış məntəqəsinin qarşısında təxminən 100-dən artıq minik avtomobilinin uzun növbəsi yaranıb. Dövlət Gömrük Komitəsi isə sıxlığın yaranmasına səbəb kimi Azərbaycana səyahət edən Rusiya vətəndaşlarını göstərir. Belə ki, Rusiyada orta ümumtəhsil məktəblərində dərs prosesinin sentyabrın 1-də başladığından bu ölkənin vətəndaşları kütləvi şəkildə geri qayıdır.

Saatlarıdır Rusiya tərəfə keçmək istəyən şəxslər növbədə gözləyirlər. Yaranmış problem buradakı insanların narazılığına səbəb olub.

Onlar bildirir ki, belə vəziyyətdə xüsusən azyaşlılar çətinlik çəkir.

Dövlər Gömrük Komitəsi isə məsələ ilə bağlı məlumat yayıb. Qeyd olunur ki, sıxlığın yaranmasına səbəb Azərbaycana səyahət edən Rusiya vətəndaşlarının ölkələrindəki orta ümumtəhsil məktəblərində dərs prosesinin sentyabrın 1-də başlaması ilə əlaqədar kütləvi şəkildə geri qayıtmasıdır. Belə ki, Rusiya tərəfdəki gömrük-sərhəd keçid məntəqəsinin buraxılış potensialından dəfələrlə artıq insanın kütləvi şəkildə sərhədi keçmək istəməsi qarşı tərəfdə problemlərin yaranmasına səbəb olur.

Hazırda "Samur" gömrük postu gücləndirilmiş iş rejimində fəaliyyət göstərir və yaranan problemlər qarşı tərəfin əlaqədar qurumları ilə aparılan intensiv danışıqlar nəticəsində qısa zamanda aradan qaldırılacaq.