Sumqayıtda liftlərə qənim kəsilənlər: 29 yeni lift yararsız hala salındı – VİDEO

Liftlərin içi misdən olan avadanlığı oğurlanıb.

Hadisə Sumqayıtda baş verib. Şəhərin 10-cu, 13-cü mikrorayonlarında və 47-ci məhəlləsində ümumilikdə 29-dan çox liftin texniki vasitələri oğurlanıb. Mövcud hadisə yerli sakinləri narahat edir. Oğurluq yaşayış binalarının ən axırıncı mərtəbəsində olub. Yuxarı mərtəbədə yaşayan sakinlər hazırda öz mənzillərinə çıxıb düşməkdə çətinlik çəkirlər.

Sakinlər deyir ki, oğurluq hadisəsi hələki yeniləri ilə əvəz olunmayan köhnə liftlərdə həyata keçirilib.

Sumqayıt "Lift-servis" birliyinin rəisi Cümşüd İsmiyev ''Xəzər Xəbər''ə faktı təsdiqləyib. Bildirib ki, yaşayış binalarında köhnə liftlərin əyləc dolaqlarında və mexaniki qurğuları oğurlanıb. Hadisəylə bağlı polisə məlumat verilib, hadisəni törətməkdə şübhəli bilinən şəxslər axtarılır.