600-dən yuxarı bal topladılar, amma... VİDEO

600 və 609 intervalında bal topladılar ancaq ali məktəbə daxil ola bilmədilər. IV ixtisas qrupu üzrə keçirilən müsabiqədə 5 nəfər abituriyent müsabiqənin şərtlərinə cavab verə bilmədikləri üçün tələbə adını qazana bilməyiblər. Bu arada ali məktəblərə boş qalan plan yerlərinə qeydiyyata start verilib.

600 və 609 arası bal toplayan beş abituriyent ali məktəbə qəbul ola bilməyib. Dövlət İmtahan Mərkəzinin mətbuat xidmətinin rəhbəri Xanlar Xanlarzadə bildirb ki, buna səbəb IV ixtisas qrupu üzrə keçirilən müsabiqənin şərtlərinin yüksək olması və digər abituriyentlərin onlardan daha çox bal toplamasıdır.

Xanlar Xanlarzadə bildirb ki, ilkin yerləşdirmədən sonra 600 bal toplayıb universitetə daxil ola bilməyən abituiyentlərin sayı 6 nəfər idi. Ancaq avqustun 16-dan 20-nə qədər boş qalan plan yerlərinə keçirilən ixtisas seçimində abituriyentlərdən yalnız biri ixtisas seçib. Yalnız 610 baldan yuxarı toplayanların hamısı abituriyent adını qazanaraq ali məktəblərə daxil olub.

Xatırladaq ki, bu gündən ali məktəblərə boş qalan plan yerlərinə və tam 11 illik orta təhsil bazasında kolleclərə qeydiyyat başlayıb . Boş qalan plan yerlərinə qəbul olan abituriyentlərin qeydiyyatı avqustun 30-dək davam edəcək.

Bu müddətdə abituriyentlər tələb olunan sənədlərin siyahısını toplayaraq qəbul olduqları ali təhsil müəssisəsinə gedərək qeydiyyatdan keçə bilərlər. Qeyd edək ki, birinci mərhələdən ali məktəbələrə qəbul olunan abituriyentlərin qeydiyyatı şənbə və bazar günləri daxil olmaqla avqustun 28-dək aparılacaq.