Bir qrup gəncdən təqdirəlayiq addım VİDEO

Bir qrup gənctəqdirəlayiq bir addım atıblar. Belə ki, onlar aztəminatlı ailələrdən olan bir qrup yeniyetməni pulsuz olaraq ali məktəbə hazırlamağa başlayıblar.

Bu addım qısa zamanda öz bəhrəsini də verib.

Fərid İsmayılovun sözlərinə görə bu ideya aztəminatlı ailələrin övladlarının universitetə qəbul olmasına yardım etmək üçün yaranıb. Yeni başlayanda isə onlara qarşı insanların çoxusunun münasibəti birmənalı olmayıb.

Fərid deyir ki, onların dərs keçdikləri vahid bir məkan da yoxdur. Təhsilə ehtiyacı olan uşaqlar üçün hara uyğun olsa həmin yerə yaxın bir yerdə dərs keçirlər.

Onların gələcək hədəfləri isə bu işlə daha geniş şəkildə məşğul olmaq və gənclərin ali məktəblərə daxil olmasına yardım etməkdir. Onu da qeyd edək ki, gənclərin bu maraqlı layihəsi ancaq ianələr hesabına həyata keçirilir. Kursa abituriyentlərin müraciəti, qəbulu və müəllimlərin seçilməsi isə sosial şəbəkə vasitəsilə həyata keçirilir.