İsti hava şəraiti sitrus bağlarına ciddi ziyan vurub - VİDEO

Kəskin istilər cənub bölgəsindəki sitrus bağlarına xeyli ziyan vurub.

Xezerxeber.az-ın məlumatına görə, ağacların yarpağı yanıb, yetişməmiş meyvələr yerə tökülüb. Söhbət Astaranın Kijəbə qəsəbəsindən gedir. İki həftəyə yaxındır ki, naringi və portağal ağaclarındakı meyvələr saralıb və tökülməyə başlayıb. Ağaclar da kütləvi şəkildə yanıb. Feyxoa bağlarında da eyni vəziyyət müşahidə edilir.

Fermerlər bildirirlər ki, quraqlıq və kəskin istilər səbəbindən bu il məhsuldarlıq çox aşağı olacaq.

Bağların yenidən məhsuldar olması üçün 2-3 il vaxt lazım olacaq.

Fermerlər məhsuldarlığın aşağı düşməsinin qiymətlərə də təsir edəcəyini deyirlər. Təsərrüfat sahibləri bildirirlər ki, yığım mövsümündən sonra sitrus meyvələrinin qiymətində 2 dəfəyə yaxın artım gözlənilir.

Xezerxeber.az mövzu ilə bağlı daha ətraflı videomaterialı təqdim edir: