Qəbələyə istirahətə gedən gənclər qəzaya düşdü: 6 yaralı VİDEO

Mikroavtobusla minik avtomobilinin toqquşması nəticəsində 10 nəfər xəsarət alıb.

Ağır qəza Ələt-Astara magistralının Salyanın Sarvan kəndindən keçən hissəsində baş verib. Elşən Rüstəmovun idarə etdiyi sərnişinlə dolu mikroavtobus Astara istiqamətində hərəkət olarkən qarşıdan gələn minik maşını ilə toqquşub.

Qəza nəticəsində mikroavtobusun sürücüsü Elşən Rüstəmov, eləcə də Lənkəran və Astara sakinləri olan 9 nəfər müxtəlif bədən xəsarətləri ilə Salyan Mərkəzi Rayon Xəstəxanasına yerləşdirilib.

Qəbələdə isə minik avtomobilinin yük maşını ilə toqquşması nəticəsində 6 nəfər xəsarət alıb.Qəbələyə istirahətə gedən Göyçay sakinlərinin olduğu minik avtomobili yük maşını ilə toqquşub. Hadisə nəticəsində 6 nəfər Göyçay sakini müxtəlif xəsarətlərlə Qəbələ Müalicə Diaqnostika Mərkəzinə yerləşdirilib.

Oğuzda da minik avtomobilinin ağaca çırpılması nəticəsində 5 nəfər xəsarət alıb. Rayon sakini, 30 yaşlı Sabir Umarlı idarə etdiyi minik avtomobili ilə Qaraməryəm-İsmayıllı-Şəki magistiralında hərəkətdə olarkən sükana nəzarəti itirib və maşın yolun kənarındakı ağaca çırpılıb.

Hadisə nəticəsində avtomobildə olan 5 nəfər Balakən sakini müxtəlif bədən xəsarətləri ilə Oğuz Mərkəzi Rayon Xəstəxanasına yerləşdirilib. Yaralılardan üçü Bakıya göndərilib. Digər iki nəfər isə ambulator müalicə almaq şərti ilə evə buraxılıb. Hər üç faktla bağlı araşdırma aparılır.