Yasamal rayonunda abadlıq-quruculuq işləri aparılır VİDEO

Yasamal rayonunda abadlıq-quruculuq işləri aparılır. Bu çərçivədə Yeni Yasamal massivindəki park yenidən qurulur, yaxınlıqdakı binaların fasadları dəyişdirilir. Binaların həyəti genişlədirilir, sakinlərin istirahəti üçün parklar salınır. Eləcə də hərəkətin intensiv olduğu Əsəd Əhmədov küçəsində də əsaslı təmir işlərinin böyük bir hissəsi yekunlaşıb.

Binalar təmir edilir, park yenidən qurulur. Yollar isə genişləndirilir.

Görüntülər paytaxtın Yasamal rayonunda aparılan yenidənqurma və abadlıq işlərinin nəticəsidir.

Rayon icra hakimiyyəti tərəfindən həyata keçirilən abadlıq və quruculuq işləri sürətləndirilib.

"Abad həyət" layihəsi çərçivəsində yenidən qurulması nəzərdə tutulan 16 binanın həyətindən artıq 6-sı sakinlərin istifadəsinə verilib. Məmməd Rahim, Tağı Şahbazı küçələrində uşaqlar üçün futbol meydançası salınıb, sakinlərin istirahəti üçün besetkalar və oturacaqlar qurulub. Ümumilikdə həyətlərdə 7 mini futbol meydançasi salınıb.

Tağı Şahbazi 583 məhəlləsində 200 uşaq yerlik, 3500 kvadratmetrlik uşaq bağçasının tikintisi davam etdirilir.

Rayonda həyata keçirilən pilot layihələrdən 2-si artıq sakinlərin istifadəsinə verilib. 3-cüsünün isə tikinti işləri yekunlaşmaqdadı.

Yenidənqurma işləri çərçivəsində bir sıra küçələrdə kommunikasiya xətləri yenilənib və küçələr genişləndirilib. Şəfayət Mehtiyev küçəsində də kanalizasiya su şəbəkəsi yenidən qurulub. Küçənin asfalt örtüyü dəyişdirilib.

Əsəd Əhmədov küçəsində də işlərin böyük əksəriyyəti görülüb qurtarıb. 3100 metrlik 4 zolaqlı yol çəkilib. Küçə boyu ətrafdakı binaların fasadı dəyişidirilib.

Yeni Yasamal yaşayış massivindəki istirahət parkı əvvəllər baxımsız vəziyyətdə idi. Hazırda parkın yenidən qurulması həyata keçirilir. Layihəyə əsasən 13 min 500 kvadratmetr ərazidə abadlıq işləri aparılır. Parkda iaşə obyektləri,eləcə də idman və uşaq əyləncə elementləri təşkil edilib.