Sürücülərin DİQQƏTİNƏ: Ukrayna dairəsində hərəkət məhdudlaşdırıldı - VİDEO

Ukrayna dairəsində avtomobillərin hərəkəti mərhələli şəkildə məhdudlaşdırılır.Məhəmməd Hadi küçəsinin ardınca Ukrayna dairəsində də təmir işlərinə start verilib.

Paytaxtın Məhəmməd Hadi küçəsində aparılan təmir-tikinti işləri ilə əlaqədar Ukrayna dairəsinin bir hissəsində asfalt-beton örtüyünün yenilənməsi işlərinə start verilb.

Bu məqsədlə dairədən Gəncə prospekti istiqamətinə və Məhəmməd Hadi küçəsinin bir hissəsinə giriş-çıxış tam bağlanıb.

Bu istoqamətdə təmir işləri 3 gün davam edəcək. Daha sonra isə dairədən üzü Neapol dairəsi istoqamətində və nobel prospekti istiqamətində işlərə başlanılacaq

Dairədə hərəkət hissəsinə iki qat olmaqla yeni asfalt-beton örtüyü vurulacaq

Həmçinin təmir işləri çərçivəsində piyada səkiləri yeniləri ilə əvəzlənir. Ehtiyac olan yerlərə yeni səki daşları düzülür

Bu müddət ərzində dairədə hissə-hissə hərəkət müəyyən istiqamətlər üzrə məhdudlaşdırılacaq.

Sıxlığın yaranmaması üçün sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyyə olunur.