Göygöldə DƏHŞƏT: bir ailənin 3 üzvü öldü, 2-si yaralandı - VİDEO

Göygöldə sürətlə gedən avtomobil idarəetmədən çıxıb və maneəyə çırpılıb. Nəticədə 1 ailənin 3 üzvü ölüb, 2 nəfər isə xəsarət alıb. Qəbələdə də sürət qəzaya səbəb olub. 2 avtomobilin toqquşması nəticəsində 1 nəfər ölüb.

Avtomobil maneəyə çırpılıb ,bir ailənin 3 üzvü ölüb.

Yol-nəliyyat hadisəsi Bakı-Qazax magistral yolunun 375-ci kilometrliyində, Göygöl rayonu ərazisində baş verib.Hərəkətdə olan avtomobil idarəetmədən çıxaraq yolun kənarındakı dəmir maneəyə çırpılıb. Nəticədə xəsarət alan sürücü, Tərtər rayon sakini, 30 yaşlı Fuad Aydınzadə xəstəxanada, onun anası Bənövşə Aydınzadə və 7 aylıq övladı hadisə yerində ölüb.

Sürücünün həyat yoldaşı və bacısı isə müxtəlif bədən xəsarətləri ilə xəstəxanaya yerləşdiriliblər.

Qəbələki qəza da ölümlə nəticələnib.Qəbələ rayon Poçt Şöbəsinin sürücüsü, 29 yaşlı Nurlan Xəlilov idarə etdiyi minik avtomobili ilə sürət həddini aşaraq qarşıda eyni istiqamətdə hərəkətdə olan 60 yaşlı Elçin Məmmədova məxsus minik avtomobilini vurub. Sürücü Elçin Məmmədov ağır zərbənin təsiri nəticəsində avtomobildə sıxılmış vəziyyətdə qalıb və aldığı xəsarətlər səbəbindən dünyasını dəyişib.

Qəza zamanı Elçin Məmmədovun həyat yoldaşı Reyhan Məmmədova eləcə də digər sürücü və sərnişin, 44 yaşlı Elşən Aslanov müxtəlif dərəcəli bədən xəsarətləri ilə Qəbələ rayon mərkəzi xəstəxanasına çatdırılıblar.Faktla bağlı Qəbələ rayon Polis Şöbəsi tərəfindən araşdırma aparılır.