VİDEO: İstanbul terrorçusunun yeni fotosu yayılıb

Yanvarın 1-i gecəsi İstanbulun Ortaköy rayonunda gecə klubuna hücum edən terrorçunun daha bir fotosu ortaya çıxıb.

Xezerxeber.az Anadolu agentliyinə istinadən məlumat verir ki, istintaq çərçivəsində aparılan təhqiqat zamanı terrorçunun daha aydın göründüyü bir fotoşəkli əldə olunub. 

Təhlükəsizlik kamerasından əldə edilmiş yeni fotoda terrorçunun üz cizgiləri nisbətən dəqiq seçilir. Polis cinayətkarın yaxalanması üçün əməliyyatları davam etdirir.

İstanbulda 39 nəfərin ölümü ilə nəticələnmiş terror aktında şübhəli bilinən 12 nəfər saxlanılıb.