VİDEO: Sürücü yol polisi ilə mübahisə etdi, cəzalandı - Reyd keçirilib

Bərdədə yol polisi rayonun muxtəlif kücələrində avtoreyd təşkil edib. Yol hərəkəti qaydalarını pozan sürücülər saxlanılaraq inzibati qaydada cərimələnib. Həmçinin sürücülərin sərxoş olub-olmadığı da yoxlanılıb.

Xezerxeber.az məlumat verir ki, Dövlət Yol Polisi Bölməsinin əməkdaşları yolhərəkəti qaydalarını kobud şəkildə pozan, eləcə də avtomobilin konstruksiyasına dəyişiklik edən xeyli sayda sürücü aşkarlanıb. Reyd zamanı sürücülük hüququ olmadan avtomobil idarə edənlər də aşkar olunub.

Yoxlamalar zamanı polisə əsəbiləşən sürücülər də olub.

Nəqliyyat vasitələrinə əlavə qurğular quraşdıran, həmçinin avtomobili sərxoş vəziyyətdə idarə edən sürücülər də askarlanıb və barələrində inzibati tədbir görülərək avtomobilləri cərimə meydançasına aparılıb.

Reyd zamanı ümumilikdə yol hərəkəti qaydasının pozulması ilə bağlı 34 fakt aşkarlanıb.

Xezerxeber.az mövzu ilə bağlı daha ətraflı videomaterialı təqdim edir: