Qəsəbə sakinlərinə cəmi 3 avtobus xidmət göstərir VİDEO

Söhbət Abşeron rayon Güzdək qəsəbəsindən gedir. Qəsəbə sakinləri avtobuslarının az olduğunu deyirlər. Üstəlik qəsəbə daxilindəki yolların bərbad olması da sakinləri əlavə əziyyətə salır. Bəs bu problemlər həll ediləcəkmi? Xəbərimizdən biləcəksiniz

Abşeron rayon güzdək qəsəbə sakinləri avtobus sarıdan əziyyət çəkdiklərini deyirlər. Sakinlərin sözlərinə görə, qəsəbədən şəhər istiqamətində 553 və 554 saylı marşurut xətləri sərnişinlərə xidmət göstərir. Ancaq bu xətlərdə avtobusların az olması onlara bir sıra çətinlik yaşadır

Üstəlik qəsəbə daxilində mərkəzi və məhəllələr arası yolun təmirsiz olması sərnişinləri ikiqat əziyyətə salır

Məlum oldu ki, 553 saylı xəttə 2, 554 saylı xəttə isə 1 avtobus xidmət göstərir. Avtobusların intervalı isə saatda bir dəfədir. Xəttin nəzarətçisi Kənan Nəcəfov deyir ki, yay aylarında həmin kəndə 2 avtobus bəs edir. buna baxmayaraq məktəb sezonu başlayanda xəttə əlavə avtobus verilə bilər

Güzdək qəsəbə bələdiyyəsindən isə bildirildi ki, yollarının təmiri ilə bağlı aidiyyatı qurumlara məlumat verilib. Yaxın vaxtlarda qəsəbənin yollarının təmir ediləcəyi gözlənilir.