Daş dövrünə aid əmək alətləri tapıldı VİDEO

Qazaxda daş dövrünün ən qədim mərhələsinə aid əmək alətləri və məişət əşyaları tapılıb. Azərbaycan və Yaponiya alimlərinin birgə apardığı arxeoloji qazıntılarda paleolitə məxsus izlər aşkarlanıb.

Daş çapacaqlar, əmək alətləri, bəşər tarixinin ən qədim dövrlərinə aid əşyalar...

Qazaxda aparılan arxeoloji qazıntılarda eramızdan əvvəl ibtidai insanların istifadə etdikləri əmək alətləri taplıb. Avey Dövlət Qoruğundakı axtarışlar zamanı əsasən daş dövrünün ən qədim mərhələsi olan paleolit, eləcə də mezolit və neolit dövrlərinə aid olan daş çapacaqlar və əmək alətləri aşkarlanıb.

Tarixçilər bildirdilər ki, Avey dağında tapılan nümunələr və insan izləri bu ərazinin Azərbaycanın ən qədim yaşayış məskənlərindən biri oldğunu sübut edir. İki həftədir davam edən qazıntılara Azərbaycanlı alimlərlər yanaşı Yaponiyadan gələn arxeoloqlar da iştirak edirlər. Bu ölkədən 10-a qədər tarixçi Avey Qoruğunun öyrənilməsində səy göstərirlər.

Arxeoloji qazıntılar hər gün davam etməklər gün ərzində 10-20 santimetr qazılmaqla aparılır. Qazma işləri artıq yekunlaşmaq üzrədir. Buradan toplanılan nümunələr isə AMEA-nın Arxeologiya İnstitutuna göndəriləcək.