Ağstafada arvadını öldürüb polisə getdi VİDEO

Ağstafada ailə münaqişəsi zəminində kişi həyat yoldaşını öldürüb. Cinayəti törətdikdən sonra isə özü polisə təslim olub. Neftçalada isə oğul analığını qətlə yetirib.

Ağstafada qətl olub. Hadisə rayonun Qırlı kəndində baş verib. Kənd sakini 39 yaşlı Arzu Namazov ailə münaqişəsi zəminində həyat yoldaşı 35 yaşlı Xəyalə Şahbazovanı qətlə yetirib. Cinayəti törətdikdən sonra Arzu Namazov Polisə təslim olub. Ailənin iki övladı olduğu bildirilir. Kənd sakinlərinin dediyinə görə ər arvadını qısqanclıq zəminində qətlə yetirib. Faktla bağlı Ağstafa Rayon Prokurorluğunda araşdırma aparılır.

Neftçalada isə oğul analığını qətlə yetirib. Hadisə rayonun Xolqarabucaq kəndində qeydə alınıb. Kənd sakini, 36 yaşlı Əlibala Səfərov ailə-münaqişəsi zəmnində analığı, 46 yaşlı Bahar Mərdiyevanı bıçaqla vuraraq qətlə yetirib. Hadisənin hansı səbəbdən baş verdiyi hələlik məlum deyil.

Faktla bağlı araşdırma aparılır.