"ASAN Xidmət" şagird qəbulu aparacaq VİDEO

İmtahan vermədən və heç bir ödəniş etmədən müxtəlif peşələrə sahib olmaq istəyənlər bunu ASAN Xidmət mərkəzlərinə müraciət edə bilərlər. Peşə məktəblərinə sənəd qəbulu avqustun 1-dən 22-dək aparılır.

Pulsuz, imtahansız peşə təhsil almaq istəyənlər üçün yeni imkan...Təhsil Nazirliyinin "ASAN Xidmət"-lə birgə addımı olan "asan peşə" layihəsi çərçivəsində sənəd qəbulu avqustun 1-dən 22-dək müddətdə həyata keçiriləcək.

"ASAN PEŞƏ" layihəsi çərçivəsində müxtəlif peşələrə yiyələnmək istəyən 9-cu və 11-ci sinfi bitirən namizədlər şəxsiyyət vəsiqəsi, şəhadətnamə və ya attestatla Bakı, Gəncə, Sumqayıt, Bərdə, Masallı, Sabirabad və Qəbələ rayonları üzrə "ASAN" xidmət mərkəzlərinə müraciət edə bilərlər.

Qəbul müvafiq fənlərin orta balı nəzərə alınmaqla həyata keçirilir. İlk peşə-ixtisas təhsili müəssisələrində təhsil müddəti 6 aylıq, 1 illik, 2 illik və 3 illik təhsil proqramları əsasında təşkil olunur. Təhsil müddəti 3 illik olan proqramlar üzrə seçimdə yalnız son 2 ildə orta təhsil səviyyəsini bitirən və tam orta təhsil almaq istəyən şəxslər iştirak edə bilərlər.