Goranboyda maşın aşdı - Yaralananlar var - VİDEO

Goranboy rayonunda avtomobil qəzası baş verib. Hadisə nəticəsində 3 nəfər ağır xəsarət alıb.

Hadisə axşam saatlarında Goranboy-Tərtər avtomobil yolunun Xanqərvənd kəndindən keçən hissəsində, təmir işləri görülən avtomobil yolunda baş verib. Sürücü yol işarələrinə riayət etmədən qadağan olunmuş yolla gedib. Bu zaman dövlət nömrə nişanı "31-BG-207" olan "VAZ-2104" markalı avtomobil yolun kənarında qazılmış xəndəyə düşüb.

Nəticədə Goranboy rayon Xanqərvənd kənd sakini, 1975-ci il təvəllüdlü Həsənov Ayaz Tofiq oğlu, onun həmkəndlisi 1978-ci il Əliyev Vuqar Hüseyn oğlu və Bakı şəhər Suraxanı rayon sakini, avtomobilin sürücüsü, 1990-cı il təvəllüdlü, Əliyev Ramiz Nəsirəddin oğlu ağır xəsarət alıb. Yaralıları yaxınlıqdan keçən taksi sürücüsü öz avtomobili ilə Goranboy Rayon Mərkəzi Xəstəxanasına aparıb.

Hazırda yaralılara həkimlər tərəfindən tibbi yardım göstərilir.