Qeyri-sabit hava şəraiti meyvə bağlarına ziyan vurub - VİDEO

Son vaxtlar havaların qeyri-sabit keçməsi Şimal-Qərb bölgəsində meyvə ağaclarına təsir edib.

Xezerxeber.az-ın məlumatına görə, Şəkidə bağçılıqla məşgul olan sakinlər deyir ki, yağışlı havalardan sonra əsasən də fındıq agaclarına xəsətlik düşüb. Ağaclarda yarpaqlar quruyur və meyvə tam yetişə bilmir. Məhsuldarlığı 30 faizədək aşağı sala bilən xəstəliklə bağçılar ilk dəfə rastlaşdığlarını deyirlər.

Yağışlı havalar fındıqla yanaşı, çəyirdəkli, tumlu meyvələr, eləcə də alma, armud və albalının yarpaqlarında qurdların yaranmasına səbəb olub.

Rayon bitki mühafizə idarəsinin əməkdaşı Tələt Mehdiyev isə bunun unlu şeh xəstəliyi olduğunu və yağışlı havaların buna münbit şərait yaratdığını bildirib.

Bağ sahibləri mütəxəssislərin tövsiyələrinə uyğun agacları dərmanlamağa başlayacaqlar.

Xezerxeber.az mövzu ilə bağlı daha ətraflı videomaterialı təqdim edir: