Ulduzlar Sofiyada "parladı" VİDEO

Bolqarıstanın paytaxtı Sofiyada ulduz futbolçuların iştirakı ilə xeyriyyə oyunu keçirilib.

Xeyriyyə matçında bolqar hücumçu Dimitar Berbatovun komandası ilə portuqaliyalı sabiq futbolçu Luiş Fiqunun komandası üz-üzə gəlib.

Oyunda Berbatovun komandasında Rayan Giqqz, Pol Skoulz, Edvin van Der Sar, Qari Nevill, Nemanya Vidiç, Rio Ferdinand, Patris Evra, Devid Ceyms, Robbi Kin, Xristo Stoiçkov, Krasimir Balakov, Stilyan Petrov və Martin Petrov çıxış ediblər.

Fiqunun komandasında isə Duayt York, Miçel Salqado, Rober Pires, David Trezeqe, Kristian Karambö, Maksvell, Yens Lemann, Françesko Toldo, Nunu Qomeş, Qaiska Mendieta, İvan Kordoba, Predraq Myatoviç, Yari Litmanen yer alıblar.

"Vasili Levski” stadionunda keçirilən və 3:3 hesablı bərabərliklə başa çatan matçı 40 min tamaşaçı izləyib.

Oyundan əldə edilən gəlir Berbatovun şəxsi fonduna keçəcək. Vəsait istedadlı uşaqların müxtəlif sahələrdə karyera qurmalarına yardım məqsədilə xərclənəcək.